• ×

10:13 مساءً , الإثنين 21 سبتمبر 2020

صورة للكتاب
صورة للكتاب

ياقصـيـد أرســل صـواريـخ الـدفـاع ومدفعـيّـه

زيادة حجم الخط مسح إنقاص حجم الخط

بسم الله الرحمن الرحيم
السلام عليكم ورحمة الله وبركاته

الحمد لله الي لايحمد على مكروه سواه والصلاة والسلام على الهادي البشير محمد صلى الله عليه وسلم وبعد:-

إعلن من منبر صحيفة جازان نيوز رغبتي للإنضمام للدفاع عن ديني وعقيدتي ثم الدفاع عن بلدي الحبيب واسأل الله ان ييسر لي ذلك واهدي هذه القصيدة لحكومتنا الرشيدة ولكل الشعب فبسم الله ابدا:-

ياقصـيـد أرســل صـواريـخ الـدفـاع ومدفعـيّـه
جهـز جيـوش القتـال وهـاجـم الظـالـم بــداره

مــن نــوى داري بــلادي بالمـضـره والأذيّـــه
مـن بلدنـا جـاه غيـم(ن) يمطـر النـار بـغـزاره

البلـد لـه شعـب مايـرضـى بــذل(ن) أو رديّــه
والله إن يـمـوت دونــه مايعـرفـون الخـسـاره

الصدور دروع والأيـدي علـى الباغـي شظيّـه
كلنا حصـن البلـد سـور (ن) ولايهـدم سـواره

الشجاعـه فـي دمانـا سـيـل يـجـري بالحمـيّـه
مانـهـاب المعـتـدي لــو ثــار بركـانـه ونــاره

والرضيع يفز لـو يسمـع جيـوش(ن) معتديّـه
وده يدافـع عــن ديــاره وأهـلـه فــي جـسـاره

ليـه يالحوثـي علينـا نــاوي(ن) بالـشـر نـيّـه
مادحرت إبليس وأعطيت الجوار حقوق جاره

ماتعرف إنا بوقـت الحـرب ريـح(ن) سرمديّـه
نقتـلـع جــذر المـعـادي ندفـنـه فــي ذل عــاره

من دخل بيت الأسد صابه هلع وأصبح ضحيّه
والثـعـل يبـقـى ثـعـل مـكّـار مايـومـن جــواره

والله إنك خاسر(ن) في كل حال(ن) أو قضيّـه
البلـد دونـه رجـال(ن) تنتـظـر بــس الإشــاره

يـامـلـكـنـا يـاولــيّــه يـــاوزيـــر الـداخـلــيّــه
كلنا نفـدي الوطـن والمـوت مانخشـى مسـاره

اطـلـبــوا مــنــا نـلـبــي ونـتـبــادر بالـتـحـيّـه
السعـوديـه عـزيـزه واسمـهـا يـبـقـى مـنــاره

فالبلـد لـه شعـب مايرضـى بـذل(ن) أو رديّــه
والله إن يـمـوت دونــه مايعـرفـون الخـسـاره


كلمات مشبب بن عبدالله بن جابر القحطاني

بواسطة : صورة للكتاب
 11  0  3622
التعليقات ( 10 )

الترتيب بـ
الأحدث
الأقدم
الملائم
  • #1
    11-08-2009 08:56 صباحًا عيسى العتيبي :
    وعليكم السلام ورحمة الله وبركاته ..



    صح الله لسانك إخوي مشبب وبيض الله وجهك وأعاننا وإياك على بذل كل ماهو نفيس وثمين في سبيل الله أولاً ثم حرمات البلاد والوطن فكلّنا لهم الفداء

    ثم ماهي غريبة هالفزعه والغيرة على ديننا الحنيف وعقيدتنا و وطننا الغالي من أبناء الشعب الكريم



    أسأل الله العلي القدير أن يرد كيد الخونة في نحورهم وأن يرحم إخواننا الشهداء وأن يشافي الجرحى والمصابين فكل قطرة منهم والله تسوى لدينا الأرواح وأغلى



  • #2
    11-08-2009 09:30 صباحًا الشريف التهامي :
    صح لسانك اخوي مشبب وقحطان غنيه عن التعريف ورجال المواقف بارك الله فيكم
  • #3
    11-08-2009 10:04 صباحًا خالد الزهراني :
    كفو يا ولد قحطان ،،، وعلى قولتك والله ان الشعب كله مستعد للدفاع عن دينه ثم تراب وطنه الطاهر ...
    وسيعلم الذين ظلموا أي منقلب ينقلبون.
  • #4
    11-08-2009 12:51 مساءً علي الشراحيلي :
    صح لسانك ياولد قحطان والنعم فيكم اب عن جد انتم اهل الاوله عشت يامشبب
    وعاشت السعوديه ومليكنا مرفوعين الروس
    الموت للجبنا والغادرين
  • #5
    11-08-2009 01:29 مساءً عبد الله :
    صح لسانك

    والله يعطيك العافيه كفيت ووفيت
  • #6
    11-08-2009 01:52 مساءً سعودي :
    صح لسانك يالغالي ويستاهل كل خير بلدنا العزيز
  • #7
    11-08-2009 09:00 مساءً رايـــــــــق الفيفــــــي :

    الشجاعـه فـي دمانـا سـيـل يـجـري بالحمـيّـه
    مانـهـاب المعـتـدي لــو ثــار بركـانـه ونــاره ...

    بيض لله وجهك يامشبب ..
    مشاعر وطنيه جياشه ..
    وحماس منقطع النظير ..
    فعلاً قصيدة ولا اروع ..
    اجمل القصيد ماكان في حب الوطن...

    (( وطــــن لانحمــــيه لا نستحـــــق العيـــــــش فيــــــــــــــــه )) ....
  • #8
    11-08-2009 09:21 مساءً حبيب أمه :
    صح لسانك
  • #9
    11-10-2009 02:36 مساءً صبي قحطان الحبابي :
    الشجاعـه فـي دمانـا سـيـل يـجـري بالحمـيّـه
    مانـهـاب المعـتـدي لــو ثــار بركـانـه ونــاره

    صح السانك يابو عبدالله
    حن حماه المملكه والله منهاب المنيه
    ياملكنا ننتظر منك وتشر بالاشاره

    بيض الله وجهك

    وقبايل المملكه عامه وقحطان خاصه جاهزين

    ونبي الثار في تركي وزملاه الشهداء

  • #10
    11-10-2009 10:11 مساءً علي حسن :
    صح لسانك بس هذي زاوية كتاب وليست زاويه شعريه اتمنى للك التوفيق وشكرا لوقفتكم يااولاد قحطان معنا