• ×

08:01 مساءً , الأربعاء 28 أكتوبر 2020

حسن العواجي
حسن العواجي

مرثية في " العصيمي "

زيادة حجم الخط مسح إنقاص حجم الخط
.

جاني خبر في مرقدي حارب النوم=وأمسيت في حيره وهم وآهات

زلزل كياني فز له سيد القوم=وابن العواجي بين لوعه وحسرات

شيخٍ جليل البارحه صار مرحوم=راشد تسطر في سجلات الأموات

أشهر من التاريخ للناس معلوم=يا الله سالك تسكنه وسط جنات

شيخ قضا عمره محمل ومهموم=بأحوالنا وحلومنا كل الأوقات

عساه بالفردوس يا حي يا قيوم=أدعيك يا ربي بكل الصلوات

الزاهد العابد منارٍ ومعلوم=مزبن لمن حطه زمانه بنكبات

أحباب وأقرابٍ وأغراب بالكوم=تبكي الفقيد بكل حرقه وويلات

نبكيك يا نبع الوفا دايم الدوم=لو البكا ما ينفع الناس هيهات

خسارتك اكبر مصيبه على القوم=فرقاك من كُبرى المحن والخسارات

هذا قضى الإنسان لو ثقلت علوم=فرضاً على المخلوق بعض المنيبات

مرثيه تكتب عن الكل وتقوم=حسن رفاعي خطها دمع وابيات

بإسمه واخوانه و لا تقبل السوم=ترسل لمقدام القروم المسمات

عبد الله اللي ينصف الحق ويقوم=الصاحب الصادق زعيم المهمات

و ماني بشاعر لكن القلب مهموم=جرح المفارق هزني والبليات

مرحوم ياشيخ فقدناه مرحوم=راعي العلوم الشامخه والسويات

الموت حق ولو فقدناك موسوم=برواحنا طول السنين البقيات

فعلك مخلد بيننا صرح زيزوم=يا ناصر المظلوم حِل المطمات

هذه حقيقه مسجلة بحصر ورقوم=مضمونها يقرأ ويترجم بلهجات

يا الله سالك دايم الدهر والدوم=تجزي الفقيد برحمتك عز جنات

وصلاة ربي عد الأفلاك ونجوم=على النبي المختار عد البريات



بواسطة : المدير
 0  0  305
التعليقات ( 0 )