• ×

09:29 مساءً , الجمعة 18 أكتوبر 2019

حسن  رفاعي العواجي
حسن رفاعي العواجي

متى يستقيم الحظ ؟

زيادة حجم الخط مسح إنقاص حجم الخط
image


تذكرت لي خل وانا خاطري مكسور=وداره بعد فرقاه ظلمة ومهجوره

أسامر نجوم الليل متأملاً للنور=متى يستقيم الحظ يا خوي وازوره

كتبت القصيد وصحت من لوعتي مقهور = وشفته قبال العين بالصوت والصورة

علام الزمن قاسي يزيد الجفا والجور=على حظي العاثر وغرو كثر جوره

صحيح العشق بلوى ومن لوعة معذور=ولو ذبلت الأغصان ما يبست جذوره

سحرني رهيف القد واقفى وهو مسرور=بنظره سلب عقلي وكم ناس مسحوره

مع باقي الذكرى أعيش العمر مجبور = بعد صارت الفرقى علي شبه مقدوره

قفار الخفوق تنوح تشكي سنين البور=عساها بمزن الوصل يا صاح ممطوره

وتزهر فياض الود خزام ونفل وعطور=بنور القمر يطرب نهر عاكس نوره

زمان الأسى يمضي بطلة أمل محظور=تشع الشموس اللي من الفقد مبتوره

ويشدو مع الانغام فوق الشجر عصفور=ضحى تصبح الساحة بالأزهار معموره

تجمل قبل تسمع خبر غادر المقهور=وداوي الجروح اللي ببلسمك محصوره

أحبك أحبك حب سيرني كما المخمور= وخلاني بلا دبره أعيش بنفس مكسوره

بواسطة : المدير
 0  0  678
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 09:29 مساءً الجمعة 18 أكتوبر 2019.