• ×

01:58 مساءً , الإثنين 19 أغسطس 2019

صورة للكاتبات
صورة للكاتبات

قصيدة (ياشيب عيني مـن هـروج الملاقيـف )

زيادة حجم الخط مسح إنقاص حجم الخط
يانفس وقتي مايجي لي على الكيف
بس اصبري والوقت حكمـه ايطاعـي
المجتمع معـروف مـن غيـر تعريـف
غيـبـه وخيـبـه وانـحـدار وضيـاعـي
ياشيب عيني مـن هـروج الملاقيـف
اللـي سوالفـهـم تجـيـب الصـداعـي
ماعندهـم غـيـر النميـمـه سوالـيـف
يتناهشـون العُـرض مـثـل الافـاعـي
لكن أنا لا اوحيـت يانفـس مـا اعيـف
الله جعـل فــج الفيـافـي وسـاعـي
لاطال صوت مصنّف الهـرج تصنيـف
دفعه على بعـض السوالـف رباعـي
اسـجّ رجلـي مـع هبـوب النفانـيـف
واختار عـن هـرج النـزول ارتفاعـي
سجّ القدم مع راحة البال لـي ريـف
أحسن مـن الغيبـه وبعـض النزاعـي
ياحيف يـاقروم الرجاجيل ياحـيـف
ماينبـذون اهـل العقـول الوجـاعـي
هرجٍ يجرّف عُـرض الاجـواد تجريـف
ماكـان لـه عنـد الرجـال استمـاعـي
ياسامعيـن الـقـول مامـنـه تكلـيـف
بــلاش لــو كــان النصـايـح تبـاعـي
هـاذي رسالـه ماحوتهـا المظـاريـف
يصغي لها من كـان لـه قلـب واعـي
يامنتّـف اعـراض المخالـيـق تنتـيـف
عيبٍ على الرجـال بعـض المساعـي
تسحق حسانيك الذنـوب العواصيـف
وتشيـل عنهـم حـمـل مايستطـاعـي
أن شفـت خلـة واحـدٍ مابعـد شـيـف
بيـنـك وبيـنـه تنـصـحـه بالـوقـاعـي
اعلم تـرى بعـض النصايـح معاريـف
يصغي لها خطو الرفيـف الشجاعـي
واليا تفرقتـوا مـن الأقشـر امعيـف
مـال السوالـف فيـه للنـاس داعــي
مهمـا تزخـرف هرجتـك بالزخـاريـف
الهـرج مايملـئ البـطـون الجيـاعـي
كم هرجـةٍ ترمـي بهـا فالشراشيـف
مـن كثـر خلطـك للـكـلام الصنـاعـي
الصمت حكمـه والسوالـف مراديـف
والناس من بعض السوالف اشباعي
واليا هرجت أهـرج بهـرج العواريـف
هرجـه لهـا عنـد النشامـا شعـاعـي
قد السفينـه لاتحـادى علـى السيـف
عكس اتجـاه المـوج شـدّ الشراعـي
وصــلاة ربــي ماتـلـوح الرفـاريـف
علـى الــذي تـمّـم بـحـج الـوداعـي

 1  0  3719
التعليقات ( 1 )

الترتيب بـ
الأحدث
الأقدم
الملائم
  • #1
    11-16-2014 03:48 صباحًا بندري سعود :
    اشكرك استاذي الكريم وبارك الله فيك وربي ينصرك على اعداء الدين والوطن
جميع الأوقات بتوقيت جرينتش +3 ساعات. الوقت الآن هو 01:58 مساءً الإثنين 19 أغسطس 2019.