• ×

07:49 مساءً , الخميس 14 نوفمبر 2019

يحيى الفيفي
يحيى الفيفي

قصيدة (اغسلوا سود النوايا و ارفعوا النظرات فوق)

زيادة حجم الخط مسح إنقاص حجم الخط

جيت ام ٍ طاعنه في السن والنظرات فـــــوق =تصفق بكف ٍ على كف ٍ وتصفق خـــــــــــدها

تزفر الآهات تستشعر في الداخل حـــــــروق=ترتجف لكن ماترجف لبرد ٍ حــــــــــــــدها

والغضب يقدح شراره تنظره في كل مــــــوق=والاسى والحزن واضح انما ما هـــــــــــــدها

يوم حست في وجودي فزت الفزه تحـــــــوق=ماتناثر من شعور يوحي انه ضــــــــــــــدها

واستقامت في شموخ ٍ كن مافي الامر عــــــوق=خايفه يعرف غريب ٍ شكلـــــــــــــها او ردها

لت امي .قالت ابني ؟ قلت دمي والعــروق=والعظم والروح لك تاتي هنا في وعــــــــدها

اومأت بيدهاحسافه يامواليد العقــــــــــــــــوق ما بقى لي غير انعي من سنيني جهــــــــدها

كل من يمناه لي تمتد . طوّق بالف طـــــــــوق=من عيالي لين ماتت فرحتي في مهـــــــــدها

كل فكر ٍ يعتبر غيره سخافه اوفســــــــــــوق=اي فكره يعتبرها الاخ ناقص رشــــــــــــدها

كل واحد يلغي الثاني يرى عقله يفـــــــــــوق=مايرى في الكون غيره كلمته مابعـــــــــــدها

صرت آكل غبن واشرب قهر والملبس شقوق=العقم ارحم وبعض الخلفه ارحـــــــــــم وأدها

يابني ارحم وارفع الرؤيا بتقديم الحقــــــــــوق=اسمع الافكار ناقش مد يدك مـــــــــــــــــدها

لا تكابر لا تعاند لا تسبب لي فتــــــــــــــوق=التعالي نقص والشورا نناظر عهـــــــــدها

كل واحد يمتلك نظره لها فكرٍ يســــــــــوق=نحترمها ثم يبحث بالدراسه ســــــــــــــــدها

وان طلعنا بالنتيجه بعد تدقيق ٍ صــــــــــدوق=نتجه في صف واحد كي نقوي عضــــــــدها

ان نسجها افلان والا فلان مافيها الفــــروق=دامت انها مثمره والفايده في حصــــــــــدها

وان غرس لي مجتهد نبته بها لو فــــرع ذوق=نعتبرها مكسب ٍ واكبر خساره فقـــــــــــدها

والفروع المايله يمكن تعالج بالرفـــــــــوق=لا وقد يمكن نخليها جسر مابعــــــــــــــدها

اغسلوا سود النوايا وارفعوا النظرات فوق=واي نظره دون فيفاء نقص يلطم خــــــــــــدها



بواسطة : يحيى الفيفي
 0  0  648
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:49 مساءً الخميس 14 نوفمبر 2019.