• ×

07:11 صباحًا , السبت 7 ديسمبر 2019

محمد الحربي
محمد الحربي

(هموم الزمن )

زيادة حجم الخط مسح إنقاص حجم الخط
نصبر علي جور الزمن كالبعارين
ونشيل هم اصحابنا والقرابه

احيان من جور الزمن تدمع العين
واحيان منها الصدر يصبح خرابه

مانشكي هموم الزمن للموالين
مانشتكي لو كان متنا كابه

نقلط علي الجزله وحنا عزيزين
نارد عليها مثل فعل الذيابه

ونجازي الطيب علي فعله الزين
ما دبلنا الصاع والا ثوابه

وليا عطينا مادروا كم معطين
مانذكره بالقول والا الكتابه

ونصد عن هرجاً لحق بالمقفين
مانتبع الهارج ولا من حكابه

وان جاتنا زله سكتنا لثنتين
لعله يفارق ولا من درابه

وان كان زودها كويناه يالين
قاء وسم طول الدهر يندعابه

يخضع لنا خضوع مثل المصلين
يخضع لنا خضوع ذل واجابه

ونعلمه وشلون كيف السلاطين
لموت دون حقوقها ماتهابه

والصاحب الوافي علي الراس والعين
حقه مثل حق الاخو امتشابه

تبقى معاريفه علينا كم الدين
لحل وقت الدين يلقاء جوابه



بواسطة : محمد الحربي
 0  0  719
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 07:11 صباحًا السبت 7 ديسمبر 2019.