ياليت لي في هالزمن درب نسيان = وأنسى الجروح اللي تعانق زماني

حتى الصدر من كثر مافيه كتمان= يا ما احتمل من هالزمن ماكفاني

مابي اعيش بصدمتي بين الإحزان= يكفيني صدمة عمري اللي كواني

اتعبت نفسي لأجل ابادلكم إحسان= لقيتني في كل لحظة أعاني

ياقوّها ياسعود غلطات الإخوان = تخلق من الإنسان انسان ثاني

وان كان وصلت بيننا اليوم نكران= وكل شخص بسهوم المواجع رماني

برحل وصدري من عنا الوقت مليان= برحل ! ودور من يسد بمكاني

برحل وأحاول ابتعد قدر الإمكان = وبلّغ معك جرح الليال امتناني

دام الحياه تبادل الروح خذلان = مالي خيار أبقى وسط حلم فاني