• ×

04:55 صباحًا , السبت 26 سبتمبر 2020

صورة للكتاب
صورة للكتاب

ياجيوش المملكة

زيادة حجم الخط مسح إنقاص حجم الخط
بسم الله الرحمن الرحيم





السلام عليكم ورحمة الله وبركااااته





قصيدة موجهه الي القوات السعودية المشاركة في حرب السعوديين مع المتمردين الحوثيين ومن واجبنا نحن كشعراء ان نوفيهم حقهم ونرفع من هممهم لأنهم حمات الوطن والدين















ياسلام الله سلامن ماخسـر رجلـن يقولـه
لاوصل للمسلمين ومن تبرى منـة خايـب

ياسلام الله على ألي مدحهم محـدن ينولـة
غيرهم والعرف ياخذه الولد من راس شايب

ياسلام الله على درع الوطن واعظم زحولـة
الجيوش الي فعايلهـم تطمـن كـل هايـب

ياسلام الله عليهم وإن بقت عنـدي مقولـة
ثانية بقولهـا والشعـر ماشابـه شوايـب

الوطن والعرض والذود ومياديـن البطولـة
ماحماها غير أهلها يـوم دقـلات الحرايـب

يوم كلن سارجن في صحصح البيدا خيولـة
والحرار السود تطويهـا مدابيـح الركايـب

من قديم الوقت والدنيا لها صولـة وجولـة
والمغازي والحروب عن النشامـا ماتغايـب

من قبل ينخى كليب الزير يوم اقفت حلولـة
لاتصالح خل نارك فالعـدا تشتـب شبايـب

ومن قبل يرسل ولي العرش للامة رسولـة
ويتحدى صفوة عيال آدم سهـوم الصعايـب

ومن قبل يرفع على الاوتاد للمجد ودخولـة
بيرق إبن سعود ويموت الجهل تحت النصايب

خلقت الدنيا على الهيجاء وكلن له قبولـة
والمراجل ماتضيع وكل جرحن لـه طبايـب

هو صحيح الوقت الاول راح والروحة عجولة
لكن العادات لو راحت من السبـع العجايـب

لو تغير وقتنا وأمسـت مواقيفـة خجولـة
ما تغير صملـة الرجـال حـلال النشايـب

كل وقت وكل حرب وكل ماقف لـه فحولـة
والثوابت ماتزحزحها العواصـف والهبايـب

ياجيوش المملكة دام الوغـا دقـت طبولـة
لاتهابون المنايا كـل مـوت ولـه سبايـب

الرجل لن عاش والا مات ماتجحـد فعولـة
والشهادة في سبيل الله مـن ربـي وهايـب

واااهني الي قضى نحبة شهيد ولجـل دولـة
دولتن قامت على الاسلام ماهي مال سايـب

قادها عبدالعزيز وهي مثل ريمـن جفولـة
ورث جَدِه ماخذاها من ورى العالـم نهايـب

واعتزوا بعده عياله والامان ارخى سدولـة
الملوك الي على البيـدا يسـدون النوايـب

شامخة في عزهم تنعم مع الوقت وفصولـة
بالامن والدين والرفعة وفعـل الخيرطايـب

ياجنو الدار يا كل الفخـر عرضـه وطولـة
داركم فارقابكـم عهـدة ولافيهـا غرايـب

انتم أهل الطيب والنخوة وكلن لـه حمولـة
والثرى الي ظمكم صفوا على حـده كتايـب

علموا من يحسب الهيجاء مثل لعب الطفولة
علموه انا هل الفزعات واسقـوه المصايـب

واصمدوا في وجهه ألي ماعرف قدر الرجولة
لو عرف قدرالرجولـة ماتخبـى فالزرايـب

ياهل اليمنى الطويلة دراكـم لحـدن يطولـة
فيكم الهقوة وسهم الموت فالعدوان صايـب

شبو النيران في دخان وافنوا مـن رقولـه
واتركوهم عبرتن للوقت وارووهـم غلايـب

خلو العدوان من قوة هـل العوجـا ذهولـة
والله الي يعطي الجنة وعظم الكفـر عايـب

قلتها وانا سعودي والسعـودي عنـد قولـه
والوطن حمله قوي والموت من شانة وهايب







شعر...ابراهيم الزراقي

بواسطة : صورة للكتاب
 3  0  1649
التعليقات ( 3 )

الترتيب بـ
الأحدث
الأقدم
الملائم
  • #1
    12-09-2009 11:31 مساءً شبكة شهداء الوطن :
    صح لسانك شاعرنا
    ابدعت والله
    صح الله ابدان جازان نيوز

    شبكة شهداء الوطن

    http://www.alshohda.net/vb/
  • #2
    12-10-2009 04:04 مساءً ريان :
    مشكور يا ابراهيم عتيبي صح لسانك
  • #3
    12-12-2009 09:33 مساءً سعد :
    قصيدة تستحق المدح من الشاعر ابراهيم الزراقي العتيبي