• ×

08:12 صباحًا , الإثنين 28 سبتمبر 2020

المدير
المدير

الحــد الجـنــوبـي

زيادة حجم الخط مسح إنقاص حجم الخط
الحــد الجـنــوبـي
عبد الله بن فرح أحمد المالكي



لبيـه ياحـدن دعـانـي ولبـيـت=لبيـه يابـاب الجزيـره الجنوبـي
روحي فدا أرض(ن)عليهـا تربيـت=روحي فداهـا بسلمهـا والحروبـي
في كل شبر(ن)من ثراها لنـا بيـت=ونعيـش منهـا أكلنـا والشروبـي
أنا السعـودي لاي فتنـه تصديـت=ورديتهـا بحلـوق اهلهـا تذوبـي
أنـا السعـودي ملتـزم ماتعـديـت=أحمـي ثغـور المملكـه والدروبـي
أنا الذي فـي كـل جبهـه تحديـت=شمسي شروق وشمس غيري غروبي
أرضي تضم الغار والركن والبيـت=ورجال تحمل حبهـا فـي القلوبـي
في حبها رفعـت صوتـي وغنيـت=وابقيت قلبي فـي هواهـا طروبـي
ياللعجـب يامـن علينـا تبلـيـت=ماتـدري ان الـرد يلهـب لهوبـي
اي والذي أسجـد لفضلـه وصليـت=مانرتضـي لـك ياوطنـا كروبـي
خسيـت يالحوثـي علينـا تجنيـت=واجبرتنـا نـوردك ورد العطوبـي
الكذب والتلفيـق مايرفـع الصيـت=ولايغيـر فــي ولاء الشعـوبـي
أمـوت رافـع جبهتـي ماتخليـت=عن موقفي ضـد المظـل الكذوبـي
أحمل محبة موطني حـي او ميـت=واصد عنه الشر من كـل صوبـي
واحفظ ولاء لقيادتي رحـت اوجيـت=لايمكن ان قل الوفـا مـن ذنوبـي
ياموطني ياقلب ينبض لك اصغيـت=ولا يضيـع القلـب بيـن الجنوبـي

بواسطة : المدير
 10  0  6584
التعليقات ( 0 )