• ×

08:56 مساءً , السبت 26 سبتمبر 2020

صورة للكتاب
صورة للكتاب

ترى الشجاعه طفلنا قد رضعها

زيادة حجم الخط مسح إنقاص حجم الخط
**ترى الشجاعه طفلنا قد رضعها**

تبت يدين الغدر وتب الارهـــــــــاب وتبت يدين اللي بلادي قربهـــــا
يالعنبو فكرٍ عن الشر ماتــــــــــاب ويالعنبو منهو من أقصى دعمها
فكرٍ عقيمٍ ماعرفناله أطبــــــــــــــاب ياكود نار الحزم نوقد حطبهـــــا
في وجه من لا يستدلون بكتـــــــــاب وأحكام شرع الله ودينه سلبهــــا
يالحوثي الغادر تراجع وصك بــــاب قبل تشوف الموت وتدفع ثمنهـــا
والله ماينفعك محمود وأحــــــــــزاب ابليس خلى زمرته في نكده ـــــا
حنا وحكومتنا مواليف وأحبـــــــــاب ناطى على غاربك ويدك نعسرها
ياديرتي ماأبعدك عن نبح الكــــــلاب بعد المزون اللي نتمنى مطرهــــا
وياموطني تدري ترى الحب غـــلاب حظ الحدود وحظ منهو حرسهـــا
وحظ الشهيد وحظ من كان منصـــاب ان كان ياحوثي بتضرب جرسهـا
وبتعلن حروبك على أطهر تـــــــراب بتلقى براكينٍ تفجر حممهــــــــــا
تارد حياض الموت وتقطع رقـــــــاب ترى الشجاعه طفلنا قد رضعهــا
والعود فينا مايحسب لها حســــــــــاب جازان عضوٍ يابشر في جسدهــا
وباقي الجسد يسهر ولا نومها طــــاب هذي تبوك الثايره في غضبهـــــا
وشتى صحاري المملكه وكل الهضاب ومن نجد للدمام وشاطي بحرهــا
وصارت نفود الأرض كما طلق شباب ومن الغدر جده توهج لهبهــــــــا
نجران ماأوصيك على حلو الأصحاب اليا شكى صاحبك فاقدح شررها
من قاشرك يادولتي في ذمتي خـــــاب خابت رجاويهم وربي دحرها

خالد سعود ال حاقان

الاداره العامه للأسلحه والمدخرات / الخرج

بواسطة : صورة للكتاب
 5  0  1732
التعليقات ( 5 )

الترتيب بـ
الأحدث
الأقدم
الملائم
  • #1
    11-23-2009 03:52 صباحًا ابو سعود :
    حنا وحكومتنا مواليف وأحبـــــــــاب ناطى على غاربك ويدك نعسرها
    ياديرتي ماأبعدك عن نبح الكــــــلاب بعد المزون اللي نتمنى مطرهــــا

    بالفعل يابعدها عن الحثالة ومن يقف وراهم وماهي الااحلام سرعان مايفيقوا منها

    صح لسانك استاذي الكريم واحيي فيك المشاعر الصادقة الوفيه
  • #2
    11-23-2009 06:16 صباحًا ترى الشجاعه طفلنا قد رضعها :
    بيض الله وجهك

    والنصر قريب باذن الله
    والنصر قريب باذن الله




    والنصر قريب باذن الله
    والنصر قريب باذن الله

    وحماك الله ياوطن
  • #3
    11-23-2009 11:49 صباحًا النجمي :
    سلمت أناملك ..

    ونحن في انتظار اشارة أبو متعب
  • #4
    11-24-2009 06:44 مساءً رياح الشرق :
    صح لسانك يالغالي
  • #5
    01-30-2010 05:23 صباحًا بنت أبوهاااااااااااا :
    صح لسانك وبارك الله فيك..

    أسأل الله أن ينصر المسلمين في كل مكان