• ×

08:42 صباحًا , الإثنين 28 سبتمبر 2020

المدير
المدير

المواطن فلان الفلاني

زيادة حجم الخط مسح إنقاص حجم الخط

عندما قابلته وجدته على غير عادته عابس الوجه أوداجه منتفخة يبدو عليه الغضب
سألته : خير خير يا صاحبي- وجهك عبوس وخاطرك مهموم عسى ما شر يا صاح؟؟
قال : إلا شر وكل شر واللي تشوفه أضعف الإيمان
قلت وأنا مستغرب وقلقان : الشر برا وبعيد يا صاحبي قل لي ترى إذا ممكن أقدر أساعدك لو على رقبتي تفداك .
ابتسم بسخرية وقال لي : كفو يا شيخ الله يجبر بخاطرك لا تشغل بالك خلها على الله
قلت : أما هذي ــ يا شيخ ـــ كثّر منها بس لازم تقول لي إيش بك؟؟
قال : شوية هموم زادت على القلب يا صاح والسبب ناس ما تستحي من خلق ولا تخاف من خالق.
قلت : من هم ؟؟
قال : اللي سرقوا فرحتي وفرحة بناتي واللي بيقتلوا أمي ؟؟
اندهشت من كلماته وقلت في غضب : من هم ؟؟
قال : اللي بيقتلوا أمي هم موظفين في المستشفى الحكومي تصور عندها حصوة مرارة وأنا أراجع بها للمستشفى صار لي عامين وكل مرة يعطوني موعد بعد ثلاثة أشهر لإجراء العملية وأجيهم في الموعد الاقي ما فيه كرسي في المستشفى ويعطوني موعد جديد بعد ثلاثة أشهر
قلت : أما المستشفيات الحكومية الله يعينك عليها ليش ما تجرب مستشفى خاص؟؟
ابتسم بسخرية وقال: مستشفى خاص؟؟ وأنت تدري وتعلم بحالي وأحوالي متقاعد براتب أربعة الآف ريال وعندي خمس بنات وأمهم وأمي الله المستعان بس لكن ياخي اللي مستغرب له أن وزارة الصحة لديها إمكانيات ضخمة وتقدم خدماتها بمستشفيات عالية التجهيز ولكن شروط تحويل المواطن للمستشفيات التخصصية وراءها خرط القتاد مراجعات وهيئة طبية وبالأخير مواعيد تصل إلى عام .
قلت : إلا حق من حقوقك
قال : والله العظيم تصدق وأستغفر الله من وساوس شيطانية أصابتني حتى إني فكرت بالانتحار
قلت : أعوذ بالله أنت إنسان مؤمن ترضى بقضاء الله وقدره
قال : ونعم بالله لكن خلق الله ما تركوا لنا حنا الضعاف شيء شفت كيف كانت الفرحة بأوامر أبو متعب الله يحفظه وكيف سرقوا فرحتنا بعض المسؤولين ؟؟
قلت : كيف ؟؟
قال : بعض المسؤولين مارسوا سياسة ذبح بقرة بني إسرائيل قاموا بالتضييق على خلق الله شوف بناتي لحد الآن ما تعينت منهن واحدة ولا رواتبنا نزلت مكتملة وفرحة مسروقة من أحبار الوزارات
قلت : معك حق بس ياليت تسمح لي مع مشوار مهم وارجع لك .
تركته وأنا أدعو الله أن يكون بعونه

بواسطة : المدير
 2  0  1388
التعليقات ( 2 )

الترتيب بـ
الأحدث
الأقدم
الملائم
  • #1
    04-20-2011 10:19 صباحًا عبده بن يحي الصميلي :
    أعجبني الأسلوب القصصي فيها أستاذ مساوى .
  • #2
    04-21-2011 11:01 صباحًا الشوك :
    سلمت يمينك أستاذ مساوى بالفعل لابد من وقفة حازمة ضد هؤلاء المستهترين بأرواح العباد وكأنه لا قيمة لهم